فدریکا موگرینی، مسوول سیاست خارجی اتحادیه اروپا در سفر به پاکستان و در یک نشست مشترک خبری با شاه محمود قریشی وزیر خارجه این کشور، نقش اسلام آباد را در روند صلح افغانستان با ارزش خواند.

مسوول سیاست خارجی اتحادیه اروپا گفت: نقش پاکستان در روند صلح افغانستان سازنده است. صلح در افغانستان نه تنها به سود پاکستان بلکه به سود اتحادیه اروپا نیز است.

خانم موگرینی هم‌چنان گفته که کشورهای اروپایی به گونه مشترک با پاکستان کار می‌کنند تا صلح در افغانستان تامین شود.

درهمین حال آقای قریشی گفته است که کشورش در روند صلح افغانستان مسوولیت‌های خود را انجام خواهد داد.