سفارت افغانستان در تاجیکستان گفته است که این اقدام با تفاهم میان دو دولت صورت گرفته و از میان 174 زندانی افغان در تاجیکستان، هشتاد زندانی به محبس ولایت کندز منتقل شدند.

برای نخستین بار، 80 زندانی افغان که هر کدام به اتهام‌های مختلف بیش از 10 سال را در زندان‌های تاجیکستان گذرانده‌اند، امروز (یک‌شنبه، 6 اسد/ 28 جولای) به محبس ولایت کندز تسلیم داده شدند.

سید معصوم بدخش، سرپرست سفارت افغانستان در تاجیکستان در مراسم تسلیمی این زندانیان گفت، این اقدام براساس تفاهم میان دو کشور صورت گرفته که از میان 174 زندانی افغان در تاجیکستان، در مرحله نخست 80 زندانی به بازداشت‌گاه کندز منتقل شده‌اند.

آقای بدخش تأکید کرد که وروند انتقال دیگر زندانیان به افغانستان نیز ادامه دارد.

درهمین حال، گل خان کوفی مدیر محبس ولایت کندز می‌گوید که این افراد در زندان کندز خواهند ماند.

آقای کوفی افزود: یک چیزی که برای زندانیان سهولت است، اینست که آنان از فرمان‌های رییس جمهور مستفید می‌شوند و قانون افغانستان بالایشان تطبیق می‌گردد.

به گفته مسوولان زندان کندز، با انتقال 80 زندانی جدید به بازداشت‎گاه ولایت کندز، شمار زندانیان دراین محبس به 800 نفر می‌رسند.

درهمین حال، شماری از زندانیانی که از تاجیکستان به محبس کندز منتقل شده‎اند ازاین اقدام استقبال می‌کنند.

سایت خبری آرزو – فردوس پیرزاد