حمدالله محب، مشاور شورای امنیت ملی امروز (سه‌شنبه) با دبیر شورای امنیت ملی اوزبیکستان دیدار کرده است.

در این دیدار ویکتور محموددوف، دبیر شورای امنیت ملی اوزبیکستان گفته که تامین صلح در افغانستان تنها به رهبری و مالکیت افغان‌ها ممکن است.

دو طرف هم‌چنان در خصوص تدوین سندهای همکاری‌ مشترک در بخش‌های مختلف به ویژه مبارزه علیه تروریسم منطقوی و افراط‌گرایی صحبت نمودند.

در این نشست قرار شده تا دور بعدی نشست کمیسیون مشترک امنیتی افغانستان و اوزبیکستان، سال آینده در کابل برگزار گردد.

گفتنیست؛ دولت اوزبیکستان پیشتر از آماده‌گی اش برای برگزاری نشست بعدی صلح افغانستان دراین کشور خبر داده بود.