په کابل کې د آسټرالیا سفارت په یوې اعلانپاڼه کې ویلي دي چې له افغانستان څخه د بهرنیو ځواکونو له وتلو وروسته امنیتي فضا نا روښانه توب له کبله، دا سفارت خپل فعالیت دروي.

په اعلانپاڼه کې همدا شان راغلي دي چې دا پریګړه د لنډ مهال لپاره ده او د حالت له ښه کیدو سره به دا سفارت خپل سفارت بیرته پرانیزي او د افغانستان له خلکو سره به د آسټرالیا همکارۍ دوام ولري.

په همدې حال کې د هیواد  دبهرنیو چارو وزارت ویلي دي چې د آسټرالیا هیواد پریکړې ته درناوی لري او په ورته مهال کې یې په تیرو دوو لسیزو کې د افغانستان له ولس او دولت سره د دې هیواد هر اړخیزو همکاریو څخه مننه کړې ده.