د آلمان د دفاع وزیره افغانستان ته په خپل سفر کې خوښ بینې کوي،چې د تلې شپږمې ولسمشرۍ ټاکنې به په افغانستان کې د یوه ځواکمن دولت د رامنځته کیدو لامل شي.

د آلمان د دفاع وزیرې کارن بایر وویل : مونږ هیله مند یو،کومې خپلواکې ټاکنې چې په افغانستان کې ترسره شوې،ډیر ژر یې پایلې اعلان شي او همدا شان د ټولو سیاسي اړخونو لپاره د منلو وړ وې.ترڅو د ټاکنو په پایله کې یو ځواکمن دولت جوړ شي او  وکولای شي د سولې خبرې اترې په جديت سره پر مخ بوځي.

په همدې حال کې د ټاکنو خپلواک کمېسیون پازوال وایې چې د هیواد په ۲۷ ولایتونو کې د رایو بیا شمیرنې بهیر پایته رسیدو او همدا شان د ټاکنو لومړنیو او یوې برخې پایلو اعلان په تړاوو پریکړې پر سر بحث کوي.

د ټاکنو کمېسیون خوښ بیني کوي چې تر دو راتلونکو ورځو په یوشمیر ولایتونو کې د رایو بیا شمیرنې بهیر چې د اعتراضونو له کبله  دریدلی دی بیا پیل شي.

له دې سره،نن د پروان او سرپل ولایتونه د ثبات او همپالنې ټاکنیزې ډلې پلویانو له لوري لاریون شاهد وو.

اعتراض کوونکي د رایو په راټولیدنه کې د روڼتیا پر ټینګښت ټینګار سره،هیښتیا ورکوي چې که چیری یې قانوني غوښتنې ونه منل شي د تلې شپږمې ولسمشرۍ ټاکنو پایلو اعلان پر وړاندې به ودریږي.