د آلمان لومړي وزیر د اسراییلو سره د خبرو اترو بیا پیل کیدو لپاره د فلسطین له دې ګام څخه هرکلی وکړ.

آنگلا مرکل د فلسطین د خود ګردان د جوړښت له مشرمحمود عباس سره په تلیفوني خبرو کې د مونیخ ډلې له لارې د آلمان، فرانسه، مصر او اردن په ګډون په مینځني ختیځ کې د سولې هڅو څخه د آلمان په چمتووالي ټینګار وکړ.

مېرکل ټینګار وکړ چې دا ډله به د فلسطین او اسراییلو له مشرانو سره د بهرنیو چارو وزیرانو په کچه غونډه وکړي، او وویل چې دا به د جوړجاري د بهیر په پرمختګ کې هم مرسته وکړي.

عباس د مونیخ ډلې په چوکاټ کې د آلمان د کړنو پر اهمیت او د نړیوال قانون سره سم په خبرو اترو کې د فلسطین چمتووالی باندې ټینګار وکړ.

د فلسطین د خودګردان جوړښټ مشر وویل ، “موږ د خپلو ځمکنۍ بشپړتیا او یووالي د رامینځته کولو، د ټاکنو د ترسره کولو او پخلاینې د ترلاسه کولو په لټه کې یو، او موږ به دې موخې ته د رسیدو لپاره خپلو هڅو ته دوام ورکړو.”