اروپايي ټولنې اعلان وکړ چې طالبان په افغانستان کې د ډيریو ملکي کسانو د مرګ ژوبلې مسوول دي.

د اروپایي ټولنې پلاوي،د اروپايي ټولنې غړو هیوادونه، دنمارک، فلند،فرانسه،آلمان،ایتالیا،استرالیا،کانادا،په افغانستان کې د ناټو استازي،ناروې،انګلستان او په کابل کې د امریکا استازي د دوه نۍ په ورځ (د لیندۍ۱۷/د دسمبر۷) په یوې ګډې اعلانپاڼه کې، د رسنیو د کارکوونکو، مذهبي ډلو او مشرانو، بشرحقونو فعالانو،زدکړیالانو،مدني ټولنې او ملکي کسانو پر وړاندې موخه ییز او ناقانونه  بریدونه غندلي او ویلي یې دي چې طالبان او نور بیلابیل ترهګریز سازمانونه په افغانستان کې د ډیریو ملکي کسانو د مرګ ژوبلې مسوول دي.

 

د اروپايي ټولني پلاوي وايي بریدونه نه یوازې د افغانانو په وینو برید دی، بلکې د افغانستان د سولې په بهیر یو برید دی.

اروپايي ټولنه له هغو کسانو څخه چې په افغانستان کې د رسنیو او مدني ټولنې د آزادۍ ملاتړ لپاره کار کوي ټینګار کوي چې تمه لري د جګړې ټولې ښکلې خواوې په دې هیواد کې د رسنیو له ازادۍ او بیان ازادې څخه ملاتړ وکړي.

دوی یادونه وکړه چې دوی د افرادو په تعقیب کې د افغان حکومت ملاتړ کوي څوک چې د رسنیو غړي او ملکي وګړي په نښه کوي.

طالبانو تر اوسه د اروپايي ټولنې د دې اعلانپاڼې په اړه غبرګون نه دی ښودلی.