د افغانستان د بیارغونې لپاره د آمریکا ځانګړي څیړونکي جان ساپکو ویلي دي چې افغانستان له بل هر مهاله د نړیوالې ټولنې ملاتړ ته اړتیا لري.

ښاغلي ساپکو ټینګار کړی دی چې د بهرنیو مرستو د بندیدو او د سولې د خبرو اترو د بهیر ناکامه پاتې کیدو په صورت کې به طالبان د کابل تر ورونو ورسیږي.

په همدې حال کې د آمریکا د بهرنیو چارو وزیر وايي چې لاهم تر مې میاشتې له افغانستان څخه د دې هیواد د ځواکونو د وتلو په اړه پریکړه نه ده نیول شوې.

انتونی بلینکن د آمریکا د کانګرس بهرنیو اړیکو د کمېټې په استماعیه ناسته کې ویلي دي چې د افغانستان په اړ د جوبایډن موخه روښانه ده او هغه غواړي په دې هیواد کې جګړه پایته ورسیږي ترڅو آمریکایي ځواکونه خپلو کورونو ته ستانه او د دې ډاډ تر لاسه شي چې افغانستان یو ځل بیا د ترهګرو په امنو ځالو نه اوړي.

ښاغلي بلینکن ټینکار کړی دی چې واشنګټن له افغانستان څخه د آمریکايي ځواکونو وتلو ضرب الاجل په اړه پریکړه نه ده کړې.