وروسته له هغه چې ولسي جرګې د هیواد د سروزرو ګنجینې د قاچاق اړوند اندیښنه وښوده، حکومت پریکړه کړې چې د “ملي شورا غړي، مدني او رسنیز فعالان” د “سروزرو زیرمو او باختر ګنجینې” لیدلو ته وبولي.

 

د ولسمشر سلاکار، وحید عمر وویل چې دا پریکړه نن (څلورنۍ، سلواغې۱۵)، د کابینې په ناسته کې شوې ده.

ښاغلي عمر زیاته کړې: دا ګنجینه د تاریخ له لوړو او ژورو ساتل شوې او هغه وخت رارسیدلی چې خلک یې د ساتنې د څرنګوالي اړوند ډاډ من شي.

به اساس فیصله کابینه، اعضای شورای ملی، جامعه مدنی و رسانه ها برای بازدید از ذخایر طلا، به شمول گنجینه باختر، فراخوانده خواهند شد. این گنجینه‌ها از فراز و فرود های تاریخ محفوظ مانده اند و وقت آن است تا مردم ما در مورد شیوه نگهداری از آن‌ها مطمئن شوند. کار روی طرح آن جریان دارد.

— Waheed Omer (@Waheed_Omer) February 3, 2021

تیره اوونۍ د ولسي جرګې مشر، میررحمان رحماني د باختر سروزرو ګنجینې د برخه لیک اړوند اندیښنه ښودلې وه.

هغه په کابل کې د حامدکرزي نړیوال هوایي ډګر څخه د قاچاق په تړاو ګزارشونو ته ګوتڅنډنې سره وویل چې د داشان کار په صورت کې، د باختر سروزرو ګنجینه به محفوظه نه وي.

ښاغلي رحماني همداراز د افغانستان مرکزي بانک د اعتبار وړ ونه باله او په امانت ډول یې د نړۍ یو معتبره هیواد ته د دې ګنجینې د استول کیدو غوښتنه وکړه.