ولسمشرغني د افغانستان دسولې لپاره د آمریکا له ځانګړي استازي زلمي خلیل زاد سره لیدنه وکړه.
د ولسمشرۍ ماڼۍ په خبرپاڼه کې راغلي دي چې ښاغلي غني نن ( پیلنۍ، وري ۲۱مه) له غرمې مخکې د افغانستان د سولې لپاره د آمریکا له ځانګړي استازي سره په لیدنه کې د سولې په تړاو خبرې کړې دي.
خبرپاڼه زیاتوي چې په دې لیدنه کې دواړو لوریو د سولې په بهیر کې پرمختګ او د ترکیې ناستې لپاره چمتو والي پر سر بحث کړی دی.
له بلې خوا ښاغلي خلیل زاد د ملي روغې جوړې لویې شورا له مشر عبدالله عبدالله سره هم د سولې سکالو اړوند لیدنه او خبرې اترې کړې دي.