آلماني چارواکي وایی چې نباید په افغانستان کې دسولې د ټينګښت لپاره رامنځته شوی فرصت له لاسه لاړ شي.

د افغانستان او پاکستان لپاره د آلمان ځانګړی استازي مارکوس پوتزل ویلي دي چې په افغانستان کې د سولې د ټینګښت فرصت نباید له لاسه لاړ شي.

ښاغلي پوتزل په هیواد کې له ټولو ښکیلو خواوو غواړي چې د حکومت او طالبانو ترمنځ خبرو اترو کې آسانتیا رامنځته کړي او همدا شان ټينګار یی کړی دی چې د افغانستان خلک او طالبانو کولای شي دخپلې راتلونکې په اړه پریکړه وکړي.

دا څرګندونې په داسي حال کې کیږي چې په قطر کې د طالبانو او امریکا ترمنځ شپږم پړاوو خبرې اترې بی پایلې پایته ورسیدي.

په قطر کې د طالبانو د ډلې ویاند سهیل شاهین له رویټرز سره په مرکه کې ویلي وو چې د طالبانو او آلمانی چارواکو ترمنځ خبرې ترسره شوې دي ترڅو د افغان حکومت او طالبانو ترمنځ اټکلیزې خبرې اترې په آلمان کې ترسره شي،خو تر اوسه په دې برخه کې هیڅ راز پریکړه نه ده نیول شوې.

 

آرزو خبري سایټ ــ شمس الله رحيمي