| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
لویې څارنوالۍ په یوې اعلانپاڼه کې د بډې اخیستلو په تور د درییو سناتورانو د نیول کیدو خبر ورکړی دی.
د دې بنسټ په اعلانپاڼه کې راغلي چې د ملي امنیت عمومي ریاست منسوبینو او د لویې څارنوالۍ استازي، تیره ورځ (یوه نۍ، مرغومې اتمه)، په یوه ګډ عملیات کې د مشرانو جرګې درې غړي د ۴۰ زره امریکايي ډالرو بډې اخیستلو په تور باالفعله نیول شوي دي.
لویې څارنوالۍ همداراز ویلي چې د مشرانو جرې دا درې برحاله غړي د څارنې او یو شمیر چارو پرمخ وړلو په موخه بلخ ولایت ته تللي وو چې د بډې اخیستلو په تور ونیول شول.
د بلخ والي، محمدفرهاد عظیمي هم پخلی وکړی چې د مشرانو جرګې درې غړي چې د څیړنو لپاره بلخ ته راغلي وو، د ملي امنیت د سرتیرو له لورې د بډې اخیستلو په تور نیول شوي.
ښاغلي عظیمي د نیولو شویو کسانو د نومونو اړوند څه ونه ویل.
خو یو شمیر سرچینو ویلي چې محمدعظیم قویاش، انور باشلیق او لیاقت الله بابکرخیل د مشرانو جرګې هغه درې غړي دي چې په دې قضیه کې نیول شوي.
