د ملي روغې جوړې د لویې شورا مشر وایي چې د دې شورا مشرتابه کمیټې پریکړه کړې چې د خبرو دویم پړاو دی په کره مهال په دوحه کې ترسره شي؛ ولسمشرۍ ماڼۍ هوکړه ښودلې ده.

 

د ملي روغې جوړې د لویې شورا مشرتابه کمیټې په دویمه ناسته کې چې نن (یوه نۍ، مرغومې اوومه)، ترسره شوه، دا پریکړه وکړه چې د افغانانو ترمنځ د دویم پړاو دی یو ځل بیا په دوحه کې ترسره شي.

د ملي روغې جوړې د لویې شورا د خبرپاڼې پر بنسټ، عبدالله عبدالله په دې ناسته کې ویلي، هغو هیوادونو چې د خبرو د دویم پړاو د ترسره کیدو لپاره چمتووالی ښودلی وو، د کرونا ویروس له کبله د بندیزونو له امله یې په دوحه کې د خبرو د دویم پړاو د ترسره کیدو ملاتړ کړی دی.

په دې خبرپاڼه کې راغلي دي: پریکړه وشوه چې فني کمیټه د خبرو بل پړاو ته د پلاوي د تلو مخکې د افغانستان د اسلامي جمهوریت لومړیتوبونه ترتیب او جوړ شي او لومړیتوبونه د مشرتابه کمیټې د پخلي وروسته، د لارښود په توګه د مرکچي پلاوي له لورې ترې ګټنه وشي.

ارګ هم اعلان کړی چې ولسمشر غني له دې پریکړې سره هوکړه کړې ده.

د ولسمشرۍ ماڼۍ ویاند، صدیق صدیقي په ټویټري لیکنه کې ویلي دی: “د مرکچي پلاوي او د ملي روغې جوړې د لویې شورا د ښاغلو مشرانو د غوښتنې، د نړیوالو ملاتړو د سلاوو پر بنسټ او د خبرو په دویم پړاو کې د ځنډ د مخنیوي په موخه، د افغانستان ولسمشر هوکړه وکړه چې د خبرو راتلونکی پړاو دې په قطر کې ترسره شي. په افغانستان کې دننه د خبرو د بل پړاو د ترسره کیدو اړوند زمونږ ټینګار پرځای دی.”

به اساس درخواست روسای محترم هیات مذاکره کننده و شورای عالی مصالحه، مشوره گروه حامیان بین‌المللی و به منظور جلوگیری از تعطل در دور دوم مذاکرات، رییس جمهور افغانستان توافق کردند تا دور بعدی مذاکرات در قطر انجام شود. تاکید ما بر انجام دور های بعدی مذاکرات در داخل افغانستان برجا است.

— Sediq Sediqqi (@SediqSediqqi) December 27, 2020

 

 

په دې منځ کې یو شمیر سیاسي بهیرونه، حکومت د سولې د خبرو په راتلونکي پړاو کې د لومړیتوب نه لرونکی بولي.

د افغانستان د خلکو د ملي محور د سیاسي بهیر ویاند، عارف کیاني وویل چې دولت لا هم د لومړیتوبونو اړوند بریالی شوی ندی او روښانه نده چې د خبرو په میز کې د مرکچي پلاوي واکونه تر کومه کچه دي.

له دې ټولو سره، تمه ده د خبرو دویم پړاو د مرغومې په شپاړلسمه نیټه ترسره شي. د دواړو لوریو پلاوي له خپلو مشرانو سره په سلاوو بوخت دي.