ولسمشر غني په ارګ کې د امریکا د مرکزي قوماندې له قوماندان سره وکتل.

په دې لیدنه کې دواړه خواو د سولې بهیر، امنیتي حالت، د ملاتړي او امنیتي ځواکونو څخه ملاتړ او د امنیتي ګدون لا ډیر پیاوړتیا په اړه خبرې وکړې.

جنرال مک کینزي زیاته کړه چې امریکا به تر هغې د افغانستان خلکو ترڅنګ ودریږي چې ډاډ ترلاسه کړي دا هیواد به نور د ترهګریزو لپاره خوندي ځای نه وي.

په همدې حال کې ولسمشر غني ویلي دي چې سوله د خلکو اساسي غوښتنه او د حکومت لومړیتوب دی خو طالبان باید له جګړې لاس په سر شي.

له بلې خوا ناټو هم د یوې خبرپاڼې په خپرولو سره ویلي چې د طالبانو لخوا د تاوتریخوالي کچه د منلو وړ نه ده او د سولې پروسه به زیانمنه کړي.

په دې اعلانپاڼه کې همداشان راغلي چې افغان امنیتي ځواکونو ته د مشورې ورکولو پروسه به دوام ولري او د دې سازمان نظامي شتون به د حالاتو مساعده کیدو په صورت کې او د سولې بهیر د ملاتړ لپاره تنظیم شي.