امنیتي ځواکونه د بلخ کلدار ولسوالۍ له اړوند د طالبانو د بریدونو له په شا تمبولو خبر ورکوي.
د حیرتان امنیه قوماندانۍ وايي چې طالب جنګیالیو تیره شپه د کلدار ولسوالۍ پر دفاعي لیکې برید وکړ، خو له دوو ګړیو جګړې وروسته د دې ډلې د دوو قوماندانانو په ګډون ۷ تنو طالبانو په وژل کیدو سره د دوی بریدونه په شا وتمبول شول.
د دې قوماندانۍ پازوال همدا شان په دې نښته کې د ۷ امنیتي سرتیرو له ټپي کیدو هم خبر ورکوي.
خو طالبان بیا ادعا لري چې د دې ولسوالۍ دفاعي لیکه یې ولکه کړې ده.
د طالبانو ډلې همدا شان ویلي دي چې په دې نښته کې ۲۴ امنیتي سرتیرو ته یې مرګ ژوبله اړولې ده.