| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
محمد فرهاد عظیمي د والي او غلام فاروق خپلواک د بلخ ولایت د مالي او اداري مرستیال په توګه، نن رسماْ خپل کار پیل کړ.
د سیمه ییزو ارګانونو د خپلواکې ادارې له لورې د بلخ د نوي والي او مرستیال والي د پيژندنې یوه اوونۍ وروسته، دې دوو چارواکو نن (دوه نۍ، تلې ۲۸)، رسماْ خپل کار پیل کړ.
د بلخ والي، محمد فرهاد عظیمي په دې تړاو غونډه کې، ژمنه وکړه چې د حالت د بدلون او له جرمونو سره د مبارزې لپاره، عملي برنامې ترلاس لاندې لري.
هغه په بلخ کې ښې حکومتولۍ ته ګوتڅنډنه وکړه او ویې ویل چې هیڅ څه باید له خلکو پټ نه کړای شي.
د بلخ ولایت مالي او اداري مرستیال، غلام فاروق خپلواک د داخلي ستونزو د هواري لپاره د یوه ګډې کاري ډلې په جوړیدو ټینګار وکړ.
د بلخ نوې سیمه ییزې ادارې ډاډ ورکړ چې تر راتلونکو درییو میاشتو به، له امنیتي پلوه د خلکو اندیښنو ته د پای ټکی کیښودل شي او د اداري فساد او جرمي شبکو پر وړاندې به جدي مبارزه وشي.
د بلخ مخکیني والي، محمداسحاق رهګذر هم په دې مراسمو کې ومنله چې په دې ولایت کې یې نږدې درې کلن ماموریت له ستونزو سره مل وو او دا یې د امنیتي سرتیرو جوړښت کمښت او سلیقه یي غوراویو سره تړلی وباله.
د بلخ د ولایتي شورا مشر، محمدافضل حدید هم په خپلې وینا کې د بلخ له نوي مشرتابه وغوښتل چې ژر تر ژره د ناکراریو ستونزه هواره او له دې پلوه د خلکو اندیښنې پایته ورسوي.
په بلخ کې نوې ګومارنې په داسې حال کې کیږي چې دا ولایت په وروستیو میاشتو کې، د یو لړ ناکراریو شاهد پاتی شوی او اوس مهال هم له یوې خوا د دولت وسله والو مخالفینو فعالیت او له بلې خوا د جنایي جرمونو ډیروالي د دې ولایت د خلکو ژوند ستونزمن کړی دی.
