اجرایي مشر په یوه نوي حکم کې د بهرنیو چارو وزارت ته سپارښتنه کړې چې د ډیپلوماسۍ په دستګاه کې د سمون په نوم په بیړه د چارو له ترسره کولو ډډه وکړي.

 

په بهرنیو چارو وزارت کې د حکومت د اصلاحي بستې عملي کیدل، د اجرايي ریاست له غبرګون سره مخامخ شو.

د حکومت اجرایي مشر، عبدالله عبدالله، د بهرنیو چارو وزارت ته د یوه حکم استولو سره، په دې بنسټ کې د سمون په نوم د په بیړه د چارو د ترسره کولو د ځنډولو سپارښتنه کړې ده.

په دې حکم کې راغلي چې د ملي یووالي د حکومت هوکړې ته په کتو سره، په دې حساسو شرایطو او د ټاکنو د پایلې د اعلان په درشل کې، د ملي او نړیوالو ګټو د ساتنې لپاره، د بهرنیو چارو وزارت باید بهرنیو چارو وزارت او سیاسي استازولیو کې په بیړه د چارو له ترسره کولو ډډه وکړي.

د ارګ او سپیدار ماڼیو ترمنځ د هوکړې پر بنسټ، د افغانستان د بهرنیو چارو وزیر د اجرایي ریاست او د دې وزارت سیاسي مرستیال د ولسمشرۍ ماڼۍ لخوا پيژندل کیږي. خو په دې وروستیو کې ولسمشرۍ ماڼۍ د یوه حکم له مخې هارون چخانسوري د بهرنیو چارو وزارت د واکپال او د سیاسي مرستیال په توګه پيژندلی دی.

د اجرايي ریاست مرستیال ویاند، امید میثم، آرزو ته ویلي چې د بهرنیو چارو وزارت د سمون په نوم حق نه لري چې یو لړ سلیقه يي بدلونونه رامنځته کړي.

د اجرايي مشر سپارښتنې ته د ارګ ځواب څه دی؟

د ولسمشر ویاند، صدیق صدیقي رسنیو ته ویلي چې په بهرنیو چارو وزارت کې ستونزو شتون د دې لامل شوی چې حکومت په دې بنسټ کې بدلون راوستلو ته مخه کړي.

ښاغلي صدیقي زیاته کړه: “اړتیا وه چې ولسمشر په دې بنسټ کې د سمون راوړلو لپاره، ځینې کسان موظف کړي.”

د ولسمشر ویاند همداشان ویلي: دا ګام “سیاسي چلند او چڼول” ندی، یوازې د سمون راوړلو په موهخ دی.

اجرایي ریاست په داسې حا لکې د اصلاحاتو په نوم په بهرنیو چارو وزارت کې د چارو د ترسره کیدو د ځنډیدو سپارښتنه کړې چې په دې وروستیو کې د بهرنیو چارو وزارت واکپال، د دیپلوماسۍ په دې بنسټ کې د پراخ بدلون لپاره مټې رانغاړلي؛ د بهرنیو چارو وزارت همداشان د دې بنسټ د ۱۷۸ بستونو لغو کول چې یو میلیارد افغانۍ سپما به ولري، خبر ورکړی دی.

د یادونې ده چې اجرایي مشر، مخکې له دې په یوې راټولیدنه کې، په رسمي بڼه د ولسمشرۍ مانۍ لخوا له وروستیو ګورمانو سره خپل مخالفت اعلان کړ.

آرزو نیوز

ژباړن: سباوون خپلواک