| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
اعتراض کوونکو د دې بنسټ د ۵۰۰ ډیرو کارکوونکو د تنقیص په غبرګون کې، د څو ګړیو لپاره د بلخ-جوزجان لویه لاره وتړله.
په شبرغان کې د شمال د نفت او ګازو د تصدۍ د ۵۱۲ کارکوونکو د تنقیص اړوند د کانونو او پترولیم وزارت د پریکړې په لړ کې، تنقیص شويو کارکوونکو لاریون وکړ.
اعتراض کوونکي وايي چې له څلورو ورځو راپدیخوا یې د تحصن کیږدۍ ایښې، خو حکومت تراوسه د دوې غوښتنو ته هیڅ ځواب نه دی ورکړی.
اعتراض کوونکو پرون (درې نۍ)، همداشان د جوزجان ولایت د مستوفیت ادارې ور او د بلخ-جوزجان لویه لاره هم د څو ګړیو لپاره تړلې وه.
دا اعتراض کوونکي هیښتیا ورکوي که د دوی غوښتنو ته غوږ کښېنښودل شي او ورته رسیدنه ونشي، د خپلو خوځښتونو لمن به وغځوي.
په همدې حال کې د جوزجان مرستیال والي، عبدالقادر مالیه، رسنیو ته ویلي چې دوی دا ستونزه له مرکزي حکومت سره شریکه کړې ده. دی ټینګار کوي چې ډیر ژر به د اعتراض کوونکو ستونزې ته رسیدنه وشي.
دا دویم ځل دی چې د شمال د نفت او ګازو د تصدۍ کارکوونکي، د هغه څه په وړاندې چې د دې بنسټ د بستونو تنقیص یادوي، اعتراض کوي. دوی ټینګار لري چې د کاري زمینو د نشتون او د کارګرانو کمزوري اقتصاد ته په کتو سره، حکومت باید داشان پریکړه ونکړي.
