د هیواد په شمال کې د جګړو له کبله یو شمیر بیځایه شوې کورنۍ د جګړې له ښکیلو غاړو غواړي چې جګړه ودروي.

 د هیواد په شمال کې د نښتو له کبله بیځایه شوې کورنۍ، د جګړو د دریدو او اوربند د ټینګښت غوښتونکي دي.

د مزارشریف په یوې څنډه کې یو شمیر کورنۍ د جګړو له کبله بیځایه شوې ، او د کیږدیو لاندې په بد حالت کې ژوند کوي.

 تاج ور هغه غمځپلې مور چې د دوو پوځي زامنو په ګډون یې د کورنۍ ۸ غړي د جګړو په پایله کې له لاسه ورکړي دي.

دا مور آرزو ټلویزیون ته وویل چې د لمسیانو راتلونکې څخه اندیښمنه ده او د جګړې له ښکیلو غاړو غواړي چې نښته ودروي او اوربند وکړي.

 

د جګړو دوام او د دو زامنو له لاسه ورکولو درد، د امین الله کورنۍ هم مزارشریف ښارته را کاږلې ده.

دا کورنۍ بیا په هیواد کې د روان جګړو پای ته هیله منده ده ــ ترڅو خپل اصلي سیمې ته د ستنیدو لا هواره شي.

 

په همدې حال کې، په دې وروستیو کې په شمال کې د ۲۰۹ شاهین قول اردو  دې کورنیو ته د مرستو کڅوړې ویشلې دي.

 په شمال کې د ۲۰۹ شاهین قول اردو د پلې لوا قوماندان مسعود رحمان دې کورنیو ته د مرستو د ویش په مراسمو کې وویل چې د سولې د خبرو اترو له پیل سره سره، طالبانو لا هم خپلې نښتې نه دې کمې کړي او د جګړو دوام ډيری ملکي کسانو ته مرګ ژوبله اړولې ده.

د راپورونو پر بنسټ، یوازې په تیر یوه کال کې څه باندې ۶۰۰ زره کورنۍ په ټول هیواد کې د جګړو له کبله بیځایه شوې دي.

آرزو نیوز ــ شمس الله رحیمي