طالبانو اعلان وکړ چې هغوې د هوکړه لیک ټولې برخې پر له پسې پلې کړي چې د جګړو له ډیریدو مخنیوی وشي.

په قطر کې د طالبانو د سیاسي دفتر ویاند سهیل شاهین وایي، چې د دې ډلې او امریکا تر منځ هیڅ پټ سند شتون نه لري او مخامخ لوري هم باید د دې هوکړې د پلی کیدو په وړاندې خڼدونه لیرې کړي، چې په هیواد کې د تل پاتې سولې لپاره زمینه هواره شي.

ښاغلي شاهین په خپل ټویتړپاڼه کې لیکلي یوه هوکړه ده چې په مطبوعاتو کې راغلې او بل یې د هوکړه لیک تشریح ده چې د دې هوکړې هر بند تشریح کوي او د پلی کیدو میکانیزم یا ضمایم ویل کیږي. دی ټینګار کوي چې د ډې هوکړې پرته هیڅ کوم بل سند د امریکا او طالبانو تر منځ شتون نه لري. یو شمیر جعلي پاڼې او پروپاګند چې مغرضې کړۍ یې خپروي، هیڅ کله رښتیا نه دي.