د امریکا د ملي امنیت سلاکار، جک سلیوان په یوې وینا کې ویلي چې د بایډن اداره د افغانستان حکومت او طالبانو ډلې ترمنځ د خبرو د ملاتړ ترڅنګ، د دوحې هوکړه لیک ارزوي.

 

ښاغلي سلیوان چې په پرلیکه بڼه وینا کوله، زیاته یې کړه: “د دې ترڅنګ چې مونږ د امریکا او طالبانو هوکړه لیک ارزوو، د افغانستان حکومت او طالبانو او نورو ترمنځ له خبرو، د یوې پایښت لرونکې پایلې د ترلاسه کیدو لپاره ملاتړ کوو.”

هغه د دې ویلو سره چې د دوحې هوکړه لیک له افغانستان څخه د پاتو ۲۵۰۰ امریکایي ځواکونو د وتلو لپاره ضرب الاجل ټاکلی، زیاته کړه: “په دې هوکړه لیک کې، طالبانو ته هم یو شمیر د پام وړ ملاحظې ایښودل شوي. لومړی دا چې دا ډله له نورو ترهګریزو ډلو لکه القاعدې سره خپلې اړیکې وشلوي. دویم د تاوتریخوالي کچې ته معنالرونکې کمښت ورکړي چې له اوربند سره مرسته وکړي او درییم دا چې دا ډله د افغانستان له حکومت سره رښتینو خبرې پیل کړي. مونږ غواړو وپوهیږو چې طالبانو په دې درییو شرطونو عمل کړی دی که نه؟ په دې څوکاټ کې به د خپلو پوځیانو د وضعیت اړوند پریکړه وکړو.”

دا څرګندونې په داسې حال کې کیږي چې مخکېله دې د امریکا د دفاع وزارت، طالبان د دوحې په هوکړه لیک کې د کړیو ژمنو په نه عملي کورو تورن کړي وو.