| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د امریکا او طالبانو تر منځ د سولې هوکړه لیک به د پاکستان د استازو په حضور لاسلیک شي.
د پاکستان د بهرنیو چارو وزیر، شاه محمود قریشي وایي، په افغانستان کې د سولې ټینګښت په برخه کې د اسلام آباد رښتینو هڅو پایله ورکړې ده.
ښاغلي قریشي د پیلنۍ په ورځ ( د کب ۳/د فبرورۍ ۲۲) ټینګار وکړ چې د امریکا او طالبانو تر منځ هوکړه لیک به د پاکستان په حضور لاسلیک شي، ځکه د اسلام اباد له مرستو پرته د داشان هوکړه لیک لاسلیک ناشونی وو.
د پاکستان د بهرینو چارو وزیر همداشان وایي چې د افغانانو تر منځ د خبرو اترو پیل لپاره هڅې روانې دي.
دا څرګندونې په داسې حال کې کیږي چې د تاوتریخوالي د کمښت اوونۍ، د جمعې شپې ناوخته پیل شوه.
په همدې حال کې هیوادوال او یو شمیر دیني عالمان د تاوتریخوالي د کمښت هرکلي سره، په هیواد کې د جګړې له ښکیلو خواوو د هراړخیز او تل پاتي اوربند غوښتونکي دي.
له بلې خوا افغان ځواکونه وایي چې د تاوتریخوالي د کمیدو پیلیدو سره، له طالبانو سره له نښتو لاس په سر شوي، خو د دې ډلې د بریدونو په صورت کې، ورته کړنې ته چمتو دي.
ولسمشر غني هم د تاوتریخوالي کمښت، د سولې او اوربند په لور یو ګام بولي.
