د عامې روغتیا وزارت په داسې حال کې چې په هیواد کې د کرونا ویروس شمیر مخ په کمیدو بولي، خو په افغانستان کې د دې ویروس د دویمې څپې د راتلو د اټکل هیښتیا ورکوي.

 

د عامې ورغتیا وزارت ویاند، اکمل سمسور، نن (څلورنۍ، وږي۱۹)، په یوې خبري ناسته کې وویل چې په نړۍ کې د کرونا ویروس د مثبتو پيښو شمیر ډيریدو او  او په ځانګړې توګه افغانستان کې د دې ویروس د دویمې څپې د راتلو اټکل ته په کتو، هغه کسان او په ځانګړې توګه ډير عمر لرونکي کسان چې د دې ویروس له ګواښ سره مخامخ دی، د انفلونزا د مني واکسین پلي کړي.

ښاغلي سمسور زیاته کړه چې په حضوري توګه د پوهنتونونو او ښوونځیو پیل سره سره، په هیواد کې د کرونا ویروس د مثبتو پيښو شمیر په لږیدو دی.

هغه همداراز له هیوادوالو وغوښتل چې د روغتیايي اصولو په پام کې نیولو او په عامه ځایونو کې د ماسک کارولو، په صابون د لاسونو پرېمینځلو، ټولنیز واټن ساتنې او له لاس ورکولو او ښکلولو څخه ډډې سره، د کرونا ویروس د مثبتو پيښو د شمیر په لږیدو کې له روغتیا وزارت سره همکاري وکړي.

دې وزارت همداراز په تیرو ۲۴ ګړیو کې د کرونا ویروس د مثبتو پيښو ثبت شوی شمیر، ۲۴ پيښې اعلان او وویل چې د دې پيښو ثبتیدو سره، په هیواد کې د کوویډ-۱۹ د مثبتو پيښو شمیر، تراوسه ۳۸زره او ۵۴۴ ته رسیدلی دی.

د روغتیا وزارت د ویاند په وینا، په تیرې یوې شپې او ورځ کې دوو تنو د کوویډ-۱۹ له کبله خپل ژوند له لاسه ورکړی او ۳۲۲ تنه نور هم روغ شوي چې دې سره د مړو شویو کسانو شمیر ۱۴۲۰ تنو ته او د روغو شویو کسانو شمیر ۳۱۰۴۵ ته اوچت شوی.

د عامې روغتیا وزارت د شمیرنو پر بنسټ، د کرونا ویروس د خپریدو له پیله تراوسه، په کوویډ-۱۹، ۸۱ سلنه اخته شوي، روغ او ۳.۷ سلنه یې مړه شوي دي.