د طالبانو د ډلې یو مخکښ قوماندان په فاریاب ولایت کې ووژل شو.
د ۲۰۹ شاهین قول اردو ویاند حنیف رضایې وایې د پیلنۍ په ورځ (لړم/عقرب ۲۵مه| نومبر ۱۶مه) د طالبانو د ډلې یو مخکښ قوماندان د فاریاب پښتونکوټ ولسوالۍ په زرشوی سیمه کې وژل شوی دی.
ښاغلي رضایې زیاته کړه د فاریاب پښتونکوټ ولسوالۍ په زرشوی سیمه کې د امنیتي ځواکونو په هوایې بریدونو کې په ظالم کُش مشهور حفیظ الله د طالبانو د ډلې قوماندان له خپل ساتونکي سره وژل شوی او یو بل ټپي دی.
د یوه بل خبر له مخې،د ۲۰۹ شاهین قول اردو د سرپل په صیاد ولسوالۍ کې د ۲۲ وسله والو طالبانو له وژل کیدو خبر ورکوی.
طالبانو تر اوسه په دې اړه څه نه دي ویلي.

آرزو خبري سایټ ــ شمس الله رحیمي