| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
طالبان په تخار ولایت کې د ۲۱ امنیتي ځواکونو له خوشې کیدو خبر ورکوي.
په قطر کې د طالبانو د سیاسي دفتر ویاند سهیل شاهین په خپله ټویټرپاڼه کې لیکلي دي چې دې ډلې تیره ورځ(د چنګاښ ۸/جون ۲۸) ۲۱ امنیتي ځواکونو په تخار ولایت کې له بنده خوشې کړي او د مرستو په ورکولو سره یې خپلو کورونو ته استولي دي.
ښاغلي شاهین د پیلنۍ په ورځ هم (چنګاښ ۷/جون ۲۷) په بدخشان ولایت کې د ۳۴ امنیتي ځواکونو له خوشې کیدو خبر ورکړی وو.
د بندیانو خوشې کیدنه د آمریکا او طالبانو ترمنځ لاسلیک شوې هوکړې پربنسټ دوام لري او د راپورونو پر بنسټ تر اوسه نږدې څلور زره (۴۰۰۰) طالب بندیانو د حکومت له لوري او ۶۵۰ امنیتي ځواکونه هم د طالبانو له لوري له بنده خوشې شوي دي.
د آمریکا او طالبانو ترمنځ لاسلیک شوې هوکړې پربنسټ تمه ده پنځه زره (۵۰۰۰) طالبان بندیان د حکومت او زر (۱۰۰۰) امنیتي ځواکونه د طالبانو له لوري له بنده خوشې او وروسته له هغې به د افغانانو ترمنځ خبرې اترې پیل شي.
