د چرګانو د غوښې او لبنیاتو تولید کونکي وایی، دوی هره ورځ په لسګونه ټنه غوښه او لبنیات تولیدوي او آن کولای شي د شمالي ولایتونو اړتیاوي پوره کړي، خو حکومت باید ددوی د چارو ودې ته پاملرنه وکړي.

دوی له حکومت څخه غواړي چې د ورته بهرنیو وارداتو مخه ونیسي.

 

 

 

د بلخ د سوداګرۍ او رغاوو اداره مني چې د بهرنیو توکو واردیدو، د کورنیو تولیداتو بازار ته زیان رسولی دی.

ددې ادارې مشر د ورته توکو لپاره د ګمرکي تعرفو لوړیدو او د قاچاقي توکو د مخنیوې لپاره د هڅو له پیله خبرورکوي.

د بلخ د سوداګرۍ او صنایعو ادارې مشر شیراحمد سپاهی‌زاده وایی، د سوداګرۍ او رغاوو وزارت او مالیې وزارت په شان بیلابیل دولتي بنسټونه د کورنیو تولیداتو د ودې او پرمختګ لپاره په جدي هلي ځلو بوخت دي او په وراداتي چرګانو او لبنیاتو د تعرفې په لوړه کولو کارکوي.

له دې ټولو سره سره په دی وروستیو کې یوشمیر فارم لرونکې په بلخ کې د سوداګرۍ او پانګه اچونې خونې له پازوال سره په یوې ناستې کې خپلو تولیداتو ته د بازار موندنې غوښتونکي شول.

آندونه دا دي چې د هیواد د تولیداتو د ودې لپاره ښاریان باید له کورنیو تولیداتو ګټه واخلي.

آرزو خبرې سایټ – وحیده لوراند