| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د فاریاب د نوي والي په توګه د محمد داوود د ټاکل کیدو اړوند د اعتراضونو په لړ کې،د سیمه ییزو ارګانونو د خپلواکې ادارې مشر شمیم خان کټوازی نن (څلورنۍ، غویي اتمه)، فاریاب ولایت ته ولاړ.
د سیمه ییزو ارګانونو د خپلواکې ادارې مشر په دې سفر کې، د فاریاب مخکیني والي نقیب الله فایق ته د میربچه خان دولتي مډال هم ورکړ. ولسمشر غني همداراز ښاغلی فایق د مشرانو جرګې د غړي په توګه انتصاب کړ.
شمیم کټوازي د خلکو د اعتراضونو د دوام په غبرګون کې ویلي چې د د والیانو ګومارنه د ملي یووالي د پیاوړتیا په موخه نوې بڼه ده او ډیر ژر به په یوه پښتون میشته ولایت کې یو اوزبیک والي وټاکل شي.
خو د ملي روغې جوړې د لویې شورا مرستیال او مارشال دوستم ته نږدې کس، بابر فرهمند ویلي چې د سناتور په توګه د نقیب الله فایق غوره کیدل، د خلکو اعتراضونو سره تړاو نلري.
هغه زیاته کړه: د خلکو پراخ اعتراضونه د سناتور یا په یوه سویل ولایت کې د والي په توګه د یو شمیر ترکټبرو د برخه لیک ټاکلو لپاره نه دی، بلکې د فاریاب ولایت او د هیواد د نورو شمالي ولایتونو د سقوط د مخنیوي لپاره دی.
هغه هیښتیا ورکړې چې د دوی د غوښتنو تر پلي کیدو د دې ولایت د نوي والي د پيژندنې لپاره د حکومت د پریکړې پر وړاندې خپلو اعتراضونو ته دوام ورکوي.
