ولسمشرۍ ماڼۍ د یوې خبرپاڼې په خپرولو سره دا برید غندلی او ویلي یې دي چې طالبان آن د روژې په مبارکه میاشت کې هم د خلکو له وژنې او عامه ټولګټو تاسیساتو له ویجاړولو لاس نه اخلي.

د ملي روغې جوړې لویې شورا مشر عبدالله عبدالله هم د دې برید په غبرګون کې ویلي دي، په داسې حال کې چې د سولې لپاره په ملي او نړیواله کچه هڅې دوام لري دا وحشیانه برید دې بهیر ته زیان رسوي.

 

پخواني ولسمشر حامدکرزي هم د دې برید په غندلو سره د دغه ظالمانه اعمالو دوام د افغاستان له خلکو سره ښکاره دښمني بولي.

دا مرګونی برید د هیواد والو په تیره بیا خواله رسنیو کې هم له تند غبرګون سره مخ شوی دی.

د لوګر د پولیسو د تیرې شپې په موټربم چاودنه کې ۲۱ تنو ژوند بایللی او ۹۱ تنه نور ټپیان شوي دي.

دا موټربم برید د لوګر مرکز پل علم د روغتون او د دې ولایت د ارزې ولسوالۍ ملمستون پر ودانۍ د روژه ماتي پر مهال رامنځته شوی دی.

په دې چاودنه کې یوشمیر استوګنیزو کورونو، ولایتي روغتون او د دې ولایت د ښځو چارو ریاست هم پراخ زیان رسیدلی دی.

د دې پیښې پړه تر اوسه کومې ډلې پر غاړه نه ده اخیستې.