| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د امریکا متحده ایالاتونو له محمد اشرف غني غوښتي چې د لوړې مراسم چې د روانې اوونۍ پنځه نۍ په ورځ ترسره کیږي، وځنډوي.
رویټرز خبري آژانس د امریکايي سرچینو په حواله لیکلي، واشنګټن له ولسمشر محمد اشرف غني غوښتي، چې خپل د لوړې مراسم وځنډوي؛ له همدې کبله زلمي خلیل زاد په تیره یوه اوونۍ کې هڅه وکړه چي غني او عبدالله وهڅوي چې د لوړې مراسم پرځای نکړي.
خو یوه باوري سرچینه وایي، چې غني د امریکا غوښتنه رد او ټینګار يې کړی چې مراسم به پر خپل ټاکلي وخت چې د ۵ شنبې ورځ ده، ترسره کوي.
تیره ورځ په افغانستان کې د ناټو ملکي استازي هم د افغانستان له سیاسي مشرانو وغوښتل چې په خپلو کې جوړجاړی وکړي.
تمه ده د پیلنۍ په ورځ (کب لسمه/فبرورۍ ۲۹)، د امریکا او طالبانو ترمنځ د سولې هوکړه لیک لاسلیک شي. هغه هوکړه چې د افغانانو ترمنځ خبرو اترو لپاره لار هواره او له هیواد څخه د امریکایي ځواکونو د وتلو لپاره زمینه برابره کړي.
