| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
تبره ورځ د عبدالعلي مزاري د تلین د یادغونډې پر مراسمو د برید له غبرګونونو سره مخامخ شوی دی.
مخکینی ولسمشر حامد کرزی دا برید، نا انساني کړنه او د خلکو د کراریو او د سولې د دښمنانو کار بولي او له ټولو هیوادوالو غواړي چې له یووالي او بشپړه ځیرکتیا سره د چلوټو پر وړاندې ودریږي او پرې نږدي چې په هیواد کې سولې ته د رسیدلو لپاره هڅې کمرنګه کړي.
په همدې حال کې په افغانستان کې د ملګرو ملتونو د همغږۍ دفتر د یوې خبرپاڼې په خپرولو سره دا برید په کلکه غندلې او دا یې د بشر ضد جنایت بللی.
دا بنسټ همداشان د دې پیښې د عاملینو پر نیولو ټینګار کوي او وایي چې د ملګرو ملتونو سازمان به د افغانستان خلکو ترڅنګ وي.
د عبدالعلي مزاري د ۲۵ تلین پر یادغونډې د جمعې په ورځ ( د کب ۱۶/ د مارچ ۶) په کابل کې، د وسله والو لخوا برید وشو او بریدګر د څو ګړیو لپاره له امنیتي ځواکونو سره په نښته وو.
په دې برید کې څه د پاسه ۳۰ تنه مړه او ۵۵ تنه نور بیا ټپیان شوي او پړه یې د داعش ډلې پرغاړه اخیستې ده.
