| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ملي روغې جوړې د لویې شورا د مشرتابه کمیټې څلورمه ناسته، نن (پیلنۍ، مرغومې۲۰)، په سپيدار ماڼۍ کې ترسره شوه.
سبیدار اعلان کړی چې په دې ناسته کې، مشرتابه کمیټې د خبرو د لارښوونې او د جمهوریت او طالبانو د پلاویو ترمنځ د سولې خبرو د دویم پړاو اړوند خبرې کړې دي.
د ملي روغې جوړې د لویې شورا مشر، عبدالله عبدالله ویلي چې نن په دوحه کې د سولې د خبرو دویم پړاو پیلیږي، هغه هیله مندي وښوده چې خبرې د مهال ویش له مخې پر مخ ولاړې شي.
د ملي روغې جوړې د لویې شورا مشر د مرکچي پلاوي جوړښت ته ګوتڅنډنې سره وویل: د افغانستان اسلامي جمهوریت پلاوی، د خبرو د اجنډا پر سر د خبرو او بحث لپاره د بشپړ واک او اختیار خاوندان دي.
له بلې خوا د ملي روغې جوړې د لویې شورا مشرتابه کمیټې، د جمهوریت د مرکچي پلاوي په لیکه کې پر یووالي او انسجام او همداراز د افغانستان د لاسته راوړنو په ساتنې ټینګار وکړ او د سراسري سولې غوښتنه یې وکړه.
د ملي روغې جوړې د لویې شورا د معلوماتو پر بنسټ، تمه ده د نن ورځې ترپایه، د دواړو لوریو پلاوي په اصلي اجنډا خبرې پیل کړي.
