د افغانستان د فوټبال ملي لوبډلې د هند پر وړاندې مساوي کیدو سره، کولی شو د آسیا ملتونو جام سیالیو ته لار ومومي.
دا لوبه تیره شپه ( غبرګولي/جوزا ۲۵مه) د دوحې په جسیم بن حماد لوبغالي کې ترسره شوه چې په پای کې هند او افغانستان د یوه یوه ګول په وهلو سره لوبه مساوي پایته ورسوله.
په دې سیالیو کې، د دواړو لوبډلو لوبغاړو تر ۷۵ یمې دقیقې له کوم ګول وهنې پرته، پر مخ ولاړل او وروسته بیا د هند په ګول وهنې سره د افغانستان ور پرانیست خو په ۸۲ یمې دقیقې کې د افغان لوبغاړي حسین زماني په ګول وهنې سره ۱-۱ مساوي شوه.
په E ډله کې قطر لومړی او عمان دویم ځای لري.