| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ټاکنو خپلواک کمیسیون وایي چې د ټاکنیزو سیمو د بیا شمیرنې اړوند د ټاکنیزو شکایتونو د اوریدو د کمیسیون لخوا وړاندی شوی نوملړ، فني نیمګړتیاوې لري.
د ټاکنو خپلواک کمیسیون د خپلو څیړنو پر دوام موندلي چې د ټاکنیزو شکایتونو د اوریدو د کمیسیون لخوا د بیا شمیرنې وړ سیمو اړودن وړاندی شوی نوملړ، فني ستونزې لري.
د ټاکنو د خپلواک کمیسیون ویاند، مرزا محمد حق پرست ویلي، چې په دې نوملړ کې، زر داسې سیمې شتون لري چې د ټاکنو د لومړنیو پایلو د اعلان وړاندې، د ټاکنو د خپلواک کمیسیون لخوا یې رایې بیا شمیرل شوې وې.
په همدې حال کې د ټاکنیزو شکایتونو د اوریدو د کمیسیون غړی قطب الدین رویدار وایي چې د لومړنیو رسیدنو په پایله کې له ۵۵۰۰ ټاکنیزو سیمو څخه رایې یې بیا شمیرنې ته تللي دي، یوازې د ۳ زرو سیمو رایې د بیا شمیرنې وړ دي.
ښاغلی رویدار ټینګار لري چې د ټاکنیزو شکایتونو د اوریدو کمیسیون هڅه لري چې د بیا شمیرنې لپاره وروستی نوملړ د ټاکنو خپلواک کمیسیون ته واستوي.
د ټاکنیزو شکایتونو د اوریدو کمیسیون ټینګار لري چې د ۳۰۰ زرو لانجمنو رایو د برخه لیک اړوند د پریکړې وروسته اټکل کیږي چې د بیا شمیرنې بهیر هم پیل شي.
ظاهراْ د رایو د بیا شمیرنې برخه لیک د ۳۰۰ زرو لانجمنو رایو له برخه لیک سره تړلی دی. خو وبه ولیدل شي چې څه مهال دا بهیر پیلیږي او د ۳۰۰ زرو لانجمنو رایو په اړه به څه پریکړه وشي؟
آرزو خبري سایټ ــ شمس الرحمن خپلواک
