د کابل په لویدیځ کې د تیرې ورځې ترهګریز برید له بیلابیلو غبرګونونو سره مخ شوی دی.

په افغانستان کې د ناټو ملکي استازي دا پیښه په کلکه غندلې او ویلي یي دي چې د سپیڅلو ځوانانو ژوند اخیستل، هیڅ کله هم د منلو نه ده.

د هیوا مخکېني ولسمشر حامدکرزي هم دا برید غندلی او له افغانو غاړو یې غوښتي ترڅو د تلپاتې سولې ټینګښت لپاره له تاوتریخوالو او جګړو لاس په سر شي.

ولسمشرۍ ماڼۍ هم دا بریدونو له اسلامي او بشري ارزښتونو سره په ټکر کې بولي.

د کابل په لویدیځ کې پر یوه روزنیز مرکز د تیرې ورځې (لړم/عقرب ۳ مه) ځانمرګې برید کې، څه باندې ۷۰ تنه مړه او ټپیان شول.

په همدې حال کې د افغانستان د سولې لپاره د آمریکا ځانګړي استازي په خپله ټویټرپاڼه کې لیکلي دي چې متحده ایالاتونو پر دواړو لوریو فشار راوړی ترڅو تاوتریخوالی کم کړي او ژر تر ژره د سولې یوې هوکړې ته ورسیږي.

ښاغلي خلیل زاد ټینګار کړی دی چې د اوسني وضعیت ځواب،د تاوتریخوالو ژرمهاله کمښت دی چې د دواړو لوریو ترمنځ د اوربند لامل شي.