د عامې روغتیا وزارت، نن ( پيلنۍ، غبرګولی ۲۹/ جون ۱۸)، په بیلابیلو ولایتونو کې د کرونا ویروس د ۶۵۸ نویو پيښو له ثبتیدو خبر ورکوي چې له دې شمیر سره، په هیواد کې په کرونا ویروس د اخته کسانو شمیر ۲۷ زره او ۵۳۲ تنو ته ورسید.
د دې وزارت د شمیرنو پر بنسټ، په تیرو ۲۴ ګړیو کې په هیواد کې د کرونا ویروس له کبله ۴۲ تنو خپل ژوند له لاسه ورکړی او یو زرو ۵۰۲ تنه نور هم بیا روغ شوي دي چې له دې سره د قربانیانو ټولیز شمیر ۵۴۶ تنه او د روغ شویو کسانو شمیر هم ۷ زرو ۶۶۰ تنو ده رسیدلی.
د عامې روغتیا وزارت پازوال همداشان له هیوادوالو غواړي چې د روغتیایي سپاړښتنو په پام کې نیولو سره په کرونا ویروس د اخته کیدلو مخه ونیسي.