د عامې روغتیا وزارت په تیرې یوې شپه او ورځ کې د کرونا ویروس له کبله د ۱۶ مړینو د ثبت خبر ورکوي چې له دې شمیر سره، د دې ویروس د قربانیانو شمیر، یو زرو او ۱۰ کسانو ته لوړ شو.
د روغتیا وزارت د شمیرنو له مخې؛ په تیرو ۲۴ ګړیو کې، په هیواد کې د کرونا ویروس یوازې ۸۵ پيښې ثبت شوي چې له دې سره په کوویډ-۱۹ د اخته کسانو ټولیز شمیر، ۳۴ زره او ۴۵۱ تنو ته ورسید.
په دې موده کې، همداراز په دې ویروس ۸۱ اخته کسان روغ شوي چې د روغو شویو کسانو شمیر، تراوسه ۲۱زره او ۲۱۶ تنو ته ورسید.
د عامې روغتیا وزارت د اطلاعاتو له مخې؛ دې وزارت تراوسه په ټول هیواد کې ۷۹زره او ۷۳۲ شکمنې پيښې څیړلي دي.