د هرات د عامې روغتیا پازوال ټینګار کوي چې د اونۍ په لړ کې د شیدایي روغتون اند تر دې چې په یوه ورځ کې د سل کرونایي ناروغانو د بستریدو شاهد وو.

 

د هرات د عامې روغتیا چارواکي اندیښنه لري چې د کرونا ویروس د ناروغانو د اکسیجن لګښت چې په لومړیو کې ۵۰۰ بالونونه وو دمګړۍ په ورځ کې زر بالونونو ته رسیدلی او هغوې د کندهار او ایران څخه د لا ډیرو اکسیجن د واردولو په هڅه دي.

د هرات د عامې روغتیا د شمیرنو پر بنسټ په تیره یوه میاشت کې د دې ولایت په کرونایي روغتونو کې په کرونا ۱۲۴ اخته او شکمنو کسانو خپل ژوند له لاسه روکړی دی.

خو د هرات ولایتي شورا بیا، په دې ولایت کې د کرونا ویروس له کبله د قربانیانو شمیر د اعلان شوي شمیر څخه ډیر لوړ بولی.

له بلې خوا، د ترکمنستان هیواد هرات ولایت ته د روغتیایي تجهیزاتو په ګډون یوه جوپه مرسته وکړه.

صدا: آی مراد قوچ مرادف په هرات کې د ترکمنستان هیواد کنسل

په هرات کې د کرونا ویروس له پیل څخه تراوسه اووه زره او ۷۷۲ تنه په دې ویروس اخته شوي چې له دې منځه ۳۰۹ تنو خپل ژوند له لاسه ورکړی دی.