د سپیدارماڼۍ د خبرپاڼې پربنسټ، عبدالله عبدالله د کورنیو چارو د وزیر مسعوداندرابي د ګوښه کیدو په غبرګون کې ویلي دي چې دا پریکړه له سلا او سمو دلایلو پرته،په بیړه او د سیاسي هوکړه لیک پر خلاف نیول شوې ده.

خبرپاڼه زیاتوي چې دا پریکړه په اوسنیو شرایطو کې د هیواد له ملي ګټو او مصالح سره په ټکر کې کړنه او د منلو وړ نه ده.

تیره ورځ ولسمشرغني په دوو جلا جلا حکمونو سره د کورنیو چارو وزیر مسعود اندرابي له دندې ګوښه او پر  ځای یې حیات الله حیات د دې وزارت د واګپال په توګه وګماره او همدا راز محمدیاسین ضیا یې هم د ملي دفاع وزارت د واکپال په توګه معرفي کړ.