د ولسمشرلومړي مرستیال امرالله صالح د مرکزي بانک دعامه اړیکو د مخکېني سلاکار یماسیاووش او د هغه دوو همکارانو د وژنې په تړاو د طالبانو د ډلې ۱۱ غړو له نیولو خبر ورکړی دی.

ښاغلي صالح نن (څلورنۍ، وري ۱۸مه) په خپله ټویټرپاڼه کې لیکلي دي چې له دې کسانو څخه په لس هاو چسپکي ماینونه هم تر لاسه شوي دي.

د طالبانو ډلې تر اوسه په دې اړه څه نه دي ویلي.

د ولسمشر لومړي مرستیال ویلي دي چې دا کسان د کابل پولیسو له لوري نیول شوي دي.

۱/۲: It all started with a tip from an informant & enabled Kabul Police Dpt to identify, locate & apprehend an 11 member Talib terror cell responsible for numerous bombings including murder of iconic Yama Siawash on Nov 7. Dozens of sticky bombs & IED found in their caches. pic.twitter.com/5KIWrAzopL

— Amrullah Saleh (@AmrullahSaleh2) April 7, 2021

امرالله صالح همداشان دې دوسیې د لاس رسي لپاره رسنۍ او مدني او بشري حقونو مدافعان بللي دي.

هغه په خپله فیسبوک پاڼه کې لیکلي دي چې: “د ولسمشر د لومړي مرستیال د رسنیو او عامه اړیکو برخه چمتو ده، ترڅو مدني بنسټونو، د رسنیو ټولنې، د حق غوښتنې بنسټونو، له بشري حقونو دفاع موسسو او ټولو هغو بنسټونو ته چې د ۱۱نیول شویو ترهګرو د دوسیې اړوند چې د نورو جنایتونو ترڅنګ یې یما سیاووش هم وژلی او په خپل جرم یې اعتراف کړی د لاس رسي زمینه برابره کړي.”

 

یماسیاووش او دوه هکاران یې د تیر کال په لړم/عقرب میاشت کې د کابل ښار مکروریان سیمه کې په یې چاودنه کې ژوند بایلود.

مخکې له دې د سیاووش کورنۍ د دوی د زوی د وژل کیدو د څرنګوالي روښانیدو په موخه، د ملګرو ملتونو سازمان امنیت شورا ته شکایت کړی وو او له دې بنسټ څخه یې غوښتي وو چې دا دوسیه په بې پلوۍ سره وڅاري.