| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
ولسي جرګې په نننۍ (څلورنۍ، مرغومې۱۷)، ناسته کې، له اکثریت رایو سره د دولتي کارکوونکو د معاشونو د یو ډول کیدو طرحه تایید کړه.
دا طرحه د ولسي جرګې د ۳۰ غړو له لورې وړاندیځ شوې وه.
د ولسي جرګې مشر، میررحمان رحماني وویل چې د جرګې د دې وړاندیځ پر بنسټ، د ټولنیز عدالت د ټینګښټ په موخه د مامورینو، ښوونکو، تقاعد شویو، اجیرانو او سرتیرو د معاشونو یو ډول کیدل له ۹۱و۹۲ کوډونو، ان ټي اې، سوپرسکیل او سي بي آر معاشونو څخه د معاشونو د رتب له مخې د هغو په معاشونو کې ورزیات شي.
د جرګې ټولیزې ناستې دا طرحه له اکثریت رایو سره تایید کړه او د جرګې مالي او بودیجې کمیسیون ته یې دنده وسپارله چې دا د ۱۴۰۰ مالي کال په بودیجه کې ورزیات کړي.
د ولسي جرګې مشر همداراز هیښتیا ورکړه تر هغه چې د ټولو ولایتونو لپاره په انډول بڼه بودیجه ځانګړې نشي، دا سند به تصویب نکړي.
هغه وویل تر هغه چې د بودیجې مسوده تایید او وروستۍ نشي، ولسي جرګې به ژمنیو رخصتیو ته ولاړه نشي.
په همدې حال کې، ولسمشر غني په یوې وینا کې ویلي چې د بودیجې جوړولو او وړاندې کول د اجرایي ځواک کار دی او ولسي جرګه یواځې د رد یا تایید واک لري.
ښاغلي غني پارلمان ته په خطاب کې ویلي: “په ملي بودیجو کې اضافي پروژې نه شي ګډیدلای… مونږ د سلیقه یي پروژو د منلو توان نلري.”
د ۱۴۰۰ مالي کال په بودیجه کې، ۴۵۲ میلیارده افغانۍ وړاندوینه شوې چې ۲۹۵ میلیارده افغانۍ یې عادي او ۱۵۶ میلیارده افغانس یې پرمختیایي بودیجه ده. د دې سند مسوده نږدې دوه اوونۍ مخکې د ولسي جرګې له لورې رد شوه.
