| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د مالیې وزارت وایي چې د راتلونکي کال ټوله بودیجه ۴۵۲ میلیارده افغانۍ ده چې ۲۹۵ میلیارده یې عادي او ۱۵۶ یې هم پرمختیايي بودیجه ده.
د مالیې وزارت نن (دوه نۍ، لیندۍ ۱۷)، د ۱۴۰۰ مالي کال بودیجې طرحه ولسي جرګې ته وړاندې کړه.
د مالیې وزارت د مالي او بودیجې چارو مرستیال، حبیب ځدران د ولسي جرګې په ټولیزه غونډه کې وویل چې د راتلونکي کال بودیجه د حقایقو، سرچینو او د دولت د لومړیتوبونو پر بنسټ تنظیم شوې.
هغه وویل چې د راتلونکي کال بودیجه ټولټال ۴۵۲ ملیارده افغانۍ ده او له دې منځه ۲۵۹ میلیارده یې عادي او ۱۵۶ میلیارده یې پراختیايي بودیجه ده.
د مالیې وزارت مرستیال په وینا، د راتلونکي کال د کورنیو عایداتو کچه ۲۱۶.۵ میلیارده وړاندوینه شوې ده چې د ټولې ملي بودیجې ۴۸ سلنه به تمویل کړي.
د ښاغلي ځدران په وینا حکومت هڅه کوي د اغیزمنې پانګوونې او خصوصي سکتور پیاوړي کولو له لارې، کورني عایدات ډیر کړي.
هغه همداراز، د سیمه ییز اتصال، د آقینې – اندخوی د وسپنې لیکې، د هرات خواف د وسپنې لیکې جوړیدو او همدا راز مزار- حیرتان د وسپنې لارې ساتنې لپاره د تجهیزاتو پیرلو په برخه کې د بودیجې له ځانګړې کولو هم خبر ورکړ.
له دې سره، د راتلونکي مالي کال د بودیجې طرحه په داسې حال کې قانون جوړوونکو ته وړاندې شوه چې د ۱۳۹۹ مالي کال تر پایه نږدې ۱۳ ورځې پاتې دي. د قانون له مخې، مالي کال د مني له پای او د ژمي له پیل څخه بدلیږي.
