| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ملی دفاع وزارت اعلان کړی دی چې د ملي پوځ ستر جنرال د طالبانو په نفوذي برید کې په غزني ولایت کې وژل شوی دی.
دې وزارت په یوې اعلامیه کې لیکلي دي چې تیره ورځ (څلور نۍ/چهارشنبه د چنګاښ/سرطان په ۲۶مه) وروسته له غرمې د ۲۰۳ تندر قول اردو د درېمې لوا قوماندان جنرال عبدالمبین مجتبی چې د غزنې قره باغ ولسوالۍ په لور روان وو،د وسله والو طالبانو د نفوذي سرتیري له لوري ووژل شو.
ددې اعلامیې پر بنسټ،برید کونکی هم د ډزو په پایله کې وژل شوی دی.
د غزني د ولایتي شورا یوشمیر غړو ویلي دي چې په دې پیښه کې دوه امریکایې سرتیري هم ټپیان شوي دي.
د قره باغ ولسوال صاحب خان الهام رسنیو ته ویلي دي چې دا برید هغه مهال وشو چې یوشمیر امریکایې قوماندانان او امنیتي پازوال د غزني په قره باغ ولسوالۍ کې په یوې ناسته کې سره راټول شوي وو چې د غونډې په پای کې د پوځ درې سرتیرو ډزې وکړې.
ولسمشرۍ ماڼۍ ددې پيښې په غبرګون کې ویلي دي چې ترهګر د داشان بریدونو په ترسره کولو سره نشي کولای د امنیتی ځواکونو تکل کمزوری کړي.
آرزو خبري سایټ ــ شمس الله رحیمي
