دافغانستان د کرکټ بورډ ویاند فرید هوتک ویلي دي چې راشدخان آرمان او محمدنبی عسی خیل دافغانستان دکرکټ ملي ټیم  دوه بریالي لوبغاړي چې د هند د غوره لیک په سیالیو بوخت وول،یوځل بیا ملی ټیم لوبو ته راګرځي.

ښاغلی هوتک زیاته کړه چې د هیواد دکرکټ ملی ټیم له نورو لوبغاړو سره ددوي په یو ځای کیدو سره دا ټيم لا  پیاوړی کیږی او تمه ده چې د ایرلنډ په سیالیو کې ښه لاسته راوړنه ولري.

د افغانستان دکرکټ بورډ د ویاند په وینا،د هیواد د ملی کرکټ بل بریالی لوبغاړی مجیب ځدران تیره ورځ (دري نۍ) د (می په ۱۴مه ) له ملی ټيم سره یوځای او خپل تمرینونه یی پیل کړل چې راشدخان او محمدنبي به هم تر دو راتلونکو ورځو د افغانستان کرکټ ملي ټيم سره یو ځاي شي.

تمه ده د افغانستان او ایرلنډ ترمنځ لومړنۍ لوبه د روانې میاشتې په ۱۹مه نېټه او ددی دو ډلو دویمه سیالۍ د همدی میاشتې په ۲۱ مه ترسره شي.

 

آرزو خبري سایټ – شمس الله رحيمي