تمه ده دغه دوه افغان ستوري متحده عربي اماراتو ته د ایرلینډ پر وړاندې لوبی لپاره سفر وکړي.
دمګړۍ دا وه افغان لوبغاړي د اسټرالیا په کرکټ لیګ کې لوبیږي.
د هیواد کرکټ بورډ ویلي دي چې د راشد خان او مجیب ځدران له سفر وروسته تمه ده تر درې راتلونکو ورځو د افغانستان او آیرلینډ ترمینځ یوه ورځنۍ لوبه ترسره شي.
له دې مخکې د هیواد کرکټ بورډ ویلي وو چې د افغانستان د ملي ټیم څلور ټوپ اچوونکي قیس احمد، فضل حق، حمزه هوتک او فرید ملک هم د چمتووالي لپاره متحده عربي اماراتو ته تللي دي.
د افغانستان او آیرلینډ لوبډلو ترمینځ سیالۍ به د ابوظبي ښارپه شيخ زاهد کرکټ لوبغالي کې ترسره شي.