د افغانستان د سولې لپاره د آمریکا ځانګړی استازی زلمی خلیل زاد وایي چې په بیړې د طالب بندیانو خوشي کیدو مهال را رسیدلی دی.

ښاغلي خلیل زاد په خپله ټویټرپاڼه کې لیکلي دي چې متحده ایالاتونه لیواله ده ترڅو د آمریکا او طالبانو ترمنځ هوکړه لیک پر بنسټ په بیړې د طالب بندیانو د خوشي کیدل ترسره شي.

دا امریکایي ډیپلوماټ وایي طالبان ژمنه کوي چې د سولې هوکړه لیک کې پر خپلو شویو ژمنو عمل وکړي او د جګړو ډګر ته به بیرته ونه ګرځي او که چیري دا کار وشي د سولې بهیر به کمزوری کړي.

له بلې خوا ښاغلی خلیل زاد د سیاسي ناندریو د حل غوښتنه کړې ده.

زلمی خلیل زاد وایي چې د دې کړکیچ دوام،د افغانستان پر امنیت اغیز کوي او له بل پلوه د کرونا ویروس،مرګونی ګواښ رامنځته کړی له همدې کبله د سیاسي مشرانو ترمنځ د مصلحت مهال را رسیدلی دی.

هغه همدا شان د حکومت له مشرانو غواړي ترڅو هیواد او خپلو خلک په لومړیتوب کې ونیسي.