| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
ولسمشرۍ ماڼۍ وایي چې د ولسمشر غني او عبدالله عبدالله ترمنځ په لویو سیاسي مسایلو هوکړه شوې او په نږدې راتلونکي کې به، سیاسي هوکړه لاسلیک شي.
د ولسمشرۍ ماڼۍ ویاند، صدیق صدیقي رسنیو ته ویلي چې ولسمشر غني او عبدالله عبدالله په لویو سکالو هوکړخه کړې ده او تر نږدې ورځو به د دواړو لوریو ترمنځ سیاسي هوکړه لیک لاسلیک شي.
خو ښاغلي صدیقي د دې هوکړه لیک د لاسلیک موخه، د ټاکنو له کبله د سیاسي ناندرو هواری بللی دی.
په دې منځ کې، یو شمیر سرچینې آرزو ته د دې پخلی کوي چې دواړه لورې لا هم د کابینې د ویش پر سر تراوسه د نظر اختلاف لري.
خو د ملي غورځنګ د ګوند مرستیال او عبدالله عبدالله ته نږدې کس، عبدالله قرلق آرزو ته ویلي چې اختلافونه په بشپړه توګه له منځته تللي.
د ښاغلي قرلق په وینا، د روانې اوونۍ تر درې نۍ به د محمد اشرف غني او عبدالله عبدالله ترمنځ سیاسي هوکړه لاسلیک شي.
د سرچینو د اطلاعاتو پر بنسټ، عبدالله عبدالله په یوولسو وزارتونو او د مصالحې د لویې شورا په مشرۍ هوکړه کړې ده. د دې هوکړې په لړ کې، جنرال دوستم ته د مارشالۍ رتبه، د ملي امنیت د شورا او د دولت د لویې شورا غړیتوب هم ورکول کیږي.
د ګزارشونو پر بنسټ؛ دواړو لوریو د ملي یووالي د حکومت د هوکړه لیک په څیر، یو ځل بیا په ټاکنیز سمون ټینګار کړی چې په راتلونکي کې له ټاکنیزو ناندرو مخنیوی وشي.
