د ملي روغې جوړې لویې شورا مشر عبدالله عبدالله وايي چې طالبان د افغانستان له حکومت سره سیاسي هوکړې ته لیوالتیا نه لري.

ښاغلي عبدالله له اسوشیتدپرس خبري آژانس سره په مرکه کې ویلي دي چې داسې نښې شتون لري چې طالبان هڅه لري د بهرنیو ځواکونو د وتلو لړۍ له بشپړیدو مخکې، پوځي پرمختګونو ته لاس رسی ومومي.

د ملي روغې جوړې لویې شورا مشر هیښتیا ورکوي چې که چیرې طالبان له پوځي لارې د بریا سوچ لري، ناسمه سوچ یې کړی دی.

په همدې حال کې د انتالیا ډیپلوماسۍ ناستې په څنډه کې د ترکیې له ولسمشر سره لیدنه کړې ده.

په دې لیدنه کې عبدالله عبدالله په افغانستان کې د سولې هڅو او وروستیو  او په هیواد او سیمه کې سیاسي او امنیتي بدلونونو  په اړه خبرې کړي او په افغانستان کې د سولې له بهیر څخه د ترکیې د ملاتړ د دوام غنوښتنه یې کړې  ده.