ولسمشرغني وايي چې امنیتي ځواکونه دې په چټکۍ سره د دښمن د ګواښونو مخه ونیسي.
ښاغلي غني د وسله وال پوځ اعلی سرقوماندانۍ په ناسته کې د غزني او زابل ولایتونو ترهګریزو بریدونو په غبرګون کې وایي چې امنیتي ځواکونه باید د دې بریدونو په شنډیدو کې بیړني ګامونه پورته کړي.
ولسمشرغني ټولو امنیتي او دفاعي بنسټونو پازوال ته سپارښتنه کړې ده چې د ځواکونو د ساتنې او د دوی د پوستو د امنیت ټینګښت په برخه کې جدي اقدامونه وکړي.
ښاغلي غني همدا راز له عدلي او قضایي بنسټونو وغوښتل چې د ترهګریزو بریدونو عاملینو ته د سزا ورکونې په برخه کې بیړنی اقدام وکړي ترڅو خلک د عدالت له ټینګښت څخه ډاډمن شي.