| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د فرانسې دولت د افغانستان له دولت څخه غوښتي هغه طالب بندیان چې د فرانسوي وګړو په وژنه کې لاس لري نه دې خوشې کیږي.
د فرانسې د بهرنیو چارو وزارت په یوې اعلانپاڼه کې وویل: “ فرانسه د هغو ترهګرو له خوشې کیدو انديښنه لري چې په افغانستان کې د فرانسوي وګړو په وژلو تورن دي.فرانسه په قطعي توګه د هغو کسانو له خوشې کیدو سره مخالفه ده چې د فرانسوي وګړو په تیره بیا د دې هیواد د سرتیرو او بشرپاله کارکونکو پر وړاندې د جنایتونو په ترسره کولو تورن دي.”
اعلانپاڼه زیاتوي چې پاریس له افغان چارواکو غوښتي دي ترڅو د دې ترهګرو د خوشې کیدو بهیر پر مخ وې نسي.
وړاندې له دې،د آسټرالیا لومړي وزیر هم د آمریکا له ولسمشره غوښتي وو چې د هغو طالب بندیانو له خوشې کیدو دې مخنیو وکړي چې د آسټرالیایي وګړو په وژلو تورن دي.
د افغانستان حکومت د ۴۶۰۰ طالبانو له خوشې کیدو وروسته د ۴۰۰ پاتې بندیانو له خوشې کیدو سره مخالفت وکړ،خو د لویې جرګې له پریکړې وروسته یې د د طالبانو داختلافي بندیانو د خوشې کیدو لړۍ پیل کړه او د تیرې جمعې په ورځ یې د دې ډلې اتیا ۸۰ بندیان له پلچرخي بندخونې آزاد کړل.
