| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ملابرادر په ګډون د طالبانو د سیاسي دفتر یوه پلاوي پاکستان ته سفر کړی دی.
د عبدالغني برادر په ګډون پر یوشمیر طالب مشرانو د پاکستان له لوري د ملګرو ملتونو سازمان له بندیزونو وضع کولو راپورونو له خپریدو وروسته، اوس په قطر کې د طالبانو د ډلې د سیاسي دفتر ویاند سهیل شاهین په خپله ټویټرپاڼه کې لیکلي دي چې د ملا برادر په ګډون د دې ډلې یوه پلاوي د پاکستان د بهرنیو چارو وزارت په بلنه اسلام آباد ته سفر کړی دی.
ښاغلي شاهین ټينګار کړی دی چې د دې ډلې د پلاوي سفر د کرونا ویروس د خپریدو له کبله د یوې مودې لپاره ځنډیدلی وو اوس دا بهیر بیا پیل شوی او د دې ډلې سیاسي دفتر پلاوی نورو هیوادونو ته هم سفر کوي.
دا په داسې حال کې ده چې د پاکستان حکومت د ملاغني برادر او د دې ډلې د مشرتابه شورا مرستیال په ګډون د طالبانو د ډلې او حقاني شبکې پر په لس هاوو غړو بندیزونه لګولي وو.
د پاکستان د بهرنیو چارو وزارت په خبرپاڼه کې راغلي وو چې وضع شويو بندیزونو کې مالي بندیزونه، د سفرونو مخنیوی،د دې کسانو شتمنیو بندیدل او وسله وال بندیزونه شامل دي او اسلام آباد په دې اړه د ملګرو ملتونو سازمان له امنیت شورا سره هم بحث کړی وو.
